ناسور یعنی فسچولہ کیا ہے ؟

فسچولہ کو بھگندر بھی کہتے ہیں۔ یہ ان خراب قسم کے گہرے زخموں کو کہتے ہیں جو مقعد کے کنارے پیدا ہو کر متعفن ہو جاتے ہیں اور اس کے ارد گرد امعاء مستقیم اور گوشت فاسد ہو جاتا ہے جن سے ہمیشہ زرد پانی جاری رہتا ہے۔ مرض کے آغاز ہوتے ہی مقعد میں جلن رہتے لگتی ہے، جو آہستہ آہستہ مزید بڑھ جاتی ہے۔ جس کا نتیجہ یہ نکلتا ہے کہ مقعد کے اندر کی طرف ایک تیز منہ والا مہکہ ظاہر ہوتا ہے جب وہ پختہ ہو جاتا ہے تو پھر اس سے زرد رنگ کی پیپ نکلنے لگتی ہے۔

فسچولہ کی وجوہات

فسچولہ ہونے کی وجوہات میں سے سرِ فہرست  مقعد کے کناروں پر ہونے والے زخم ہیں۔  آنتوں میں زخم  اور کثرتِ حرارت کے باعث بھی فسچولہ ہو سکتا ہے۔ جنسی طور پر لگنے والے امراض، شراب نوشی، گرام مزاج والی غذائیں اور گرم و سخت جگہ پر زیادہ دیر بیٹھے رہنے سے بھی فسچولہ ہو سکتا ہے۔

فسچولہ کی علامات و نشانیاں

 مرض کے آغاز ہوتے ہی مقعد میں جلن رہتے لگتی ہے، جو آہستہ آہستہ مزید بڑھ جاتی ہے۔ جس کا نتیجہ یہ نکلتا ہے کہ مقعد کے اندر کی طرف ایک تیز منہ والا مہکہ ظاہر ہوتا ہے جب وہ پختہ ہو جاتا ہے تو پھر اس سے زرد رنگ کی پیپ نکلنے لگتی ہے۔ اس وقت مریض کو شدید درد ہوتا ہے مگر جب یہ پھٹ جاتا ہے اور صرف کچ لہو سا نکلتا ہے تو درد میں کمی واقع ہو جاتی ہے۔  کبھی وقتاً فوقتاً لیس دار پانی سا نکلتا رہتا ہے جو مریض کے لئے پریشانی کا باعث بن جاتا ہے۔ اگر یہ تکلیف متواتر کافی عرصہ تک قائم رہے اور درست علاج نہ ہونے پائے یا غلط علاج کیا جائے تو پھر یہی بواسیری زہر سوزاکی زہر میں منتقل ہو جاتی ہے تو پھر ناسور کی شکل اختیار کر لیتی ہے۔ کبھی پھوڑے کے زخم کے علاوہ ایک اور بھی سوراخ بن جایا کرتا ہے۔ پھر ان دونوں سوراخوں سے غلیظ لیس دار ملا جلا فضلہ نکلتا رہتا ہے۔